Það er kominn meira en áratugur síðan tvíburasysturnar Mary-Kate og Ashley Olsen hættu að leika.
Síðan þá hafa þær haldið sig að mestu frá sviðsljósinu í Hollywood og einbeitt sér að fatamerki sínu, The Row.
Þær mæta sjaldan á stóra viðburði og eru enn sjaldnar myndaðar af ljósmyndurum. Það hefur því vakið mikla athygli að þær voru myndaðar ásamt systur sinni, leikkonunni Elizabeth Olsen, í New York fyrir nokkrum dögum.
📸 Elizabeth Olsen was spotted out in NYC last night with her sisters Mary-Kate and Ashley pic.twitter.com/mRm7O7ySSS
— Elizabeth Olsen Fans (@lizzieclan) February 7, 2024
Mary-Kate og Ashley eru 37 ára og Elizabeth er 34 ára. Hún hefur notið mikillar velgengni í bransanum undanfarin ár og er hvað þekktust fyrir að vera Scarlet Witch í Marvel kvikmyndaheiminum.
Systurnar þrjár voru síðast myndaðar saman á LACMA listaviðburði í Los Angeles í október 2016.