Nýjar myndir af ástralska arkitektinum Biöncu Censori, 29 ára, og eiginmanni hennar, rapparanum Kanye West, vöktu heimsathygli í gær. Það sem vakti svona mikla athygli var klæðaval Biöncu, en hún var alveg nakin undir gegnsæjum regnjakka.
Sjá einnig: Eiginkona Kanye West kviknakin undir gegnsæjum regnjakka
Front and back view of Kanye West & Bianca Censori trending outfit. pic.twitter.com/j5ONTZsKMS
— Viral Media around the world (@UmerFar44576392) February 7, 2024
Sagt er að foreldrar hennar séu í verulegu uppnámi eftir að hafa séð myndir af dóttur þeirra ganga um nánast nakin meðal almennings. Daily Mail greinir frá.
Þau eru sögð hafa miklar áhyggjur af því hvaða áhrif Kanye hefur á hana og að hann hafi fullkomna stjórn á henni og hafi lofað henni einhverjum stórum atvinnutækifærum í framtíðinni.
Það eru ekki aðeins foreldrar Biöncu sem hafa áhyggjur af henni. Vinkonur hennar reyndu að grípa í taumana í fyrra en það gekk ekki. Netverjar hafa einnig lýst yfir áhyggjum af henni en hegðun hjónanna virðist sífellt furðulegri og furðulegri. Í byrjun árs fór Kanye að birta myndir af eiginkonu sinni sem hafa verið mjög umdeildar.
Sjá einnig: Kanye West eyddi öllu af Instagram eftir að hafa birt mjög djarfa mynd af eiginkonunni
Bianca er ástralskur arkitekt og byrjaði að starfa fyrir fyrirtæki Kanye, Yeezy, árið 2020. Þau hafa verið saman síðan byrjun árs 2023 og eru sögð hafa gifst við leynilega athöfn um miðjan janúar.
Í september sögðust vinkonur hennar hafa miklar áhyggjur af henni og að Kanye væri að „reyna að breyta henni í róttækari útgáfu af fyrrverandi eiginkonu hans, Kim Kardashian.“
Sjá einnig: Vinkonur eiginkonu Kanye West hafa miklar áhyggjur af hegðun hennar – „Hún er ekki svona“
Fatastíll og útlit hennar hefur tekið rosalegum breytingum eftir að hún kynntist rapparanum en það er þekkt að Kanye hafi áhrif á klæðaburð eiginkvenna sinna og kærasta.
Í sumar voru Bianca og Kanye á ferð um Ítalíu og vakti klæðaburður hennar mikla athygli og talsverða reiði. Fjölmargir kölluðu eftir því að Bianca yrði handtekin fyrir að særa blygðunarsemi en hún klæddist litlu öðru en gegnsæjum sokkabuxum og litlum toppum. Eitt kvöldið gekk hún um með púða í stað þess að vera í bol.
Þau voru einnig sett í lífstíðarbann eftir ósæmilegt atvik á bát.
Sjá einnig: Heldur áfram að hneyksla á Ítalíu – Svona var fatastíllinn áður en hún giftist Kanye
