Það er ekki svo langt síðan seðlaveski var staðalbúnaður og gengu flestir með slíkt veski á sér, annað hvort í vasanum eða handtöskunni. En nú er það merki um að þú sért að verða miðaldra samkvæmt ungu kynslóðinni.
Samkvæmt svonefndri Z kynslóðinni er ekki töff lengur að ganga um með seðlaveski. Þrítuga móðirin Liz June vakti athygli á þessu á TikTok.
„Aðrir meðlimir þúsaldarkynslóðarinnar (e. millenials) [takið eftir], það er komin ný leið fyrir okkur til að virka miðaldra, með því að ganga um með seðlaveski. Z kynslóðin notar símann sinn sem veskið sitt. Þau eru með peninginn og skilríki í símanum.“
Myndband June hefur vakið gríðarlega athygli og takast netverjar á um málið.
„Þú mátt kalla mig miðaldra en hvað ætlarðu að gera þegar síminn þinn verður batteríslaus,“ sagði einn netverji.
„Ekki hlusta á þetta rugl. Eftir tvö ár verða þau öll komin með veski og láta eins og þetta sé einhver nýjasta tíska sem allir verða að eignast,“ sagði annar.
@liz.june I’ll be keeping my side part, emojis, and wallet – for now at least. #millennials #millennialmom #millennialsoftiktok #30somethingsoftiktok #30something ♬ original sound – Liz June | Boy Mom-To-Be
Hvað segja lesendur, er seðlaveski merki um hækkandi aldur?