Hlustaðu á þáttinn hér að neðan, einnig er hægt að hlusta á Apple Podcasts eða hlaðvarpsþjónustu Google.
Alda Guðrún Jónasdóttir skaust fram á sjónarsviðið í kringum 2009. Hún tók stuttu síðar upp viðurnefnið Coco sem festist við hana og hefur síðan þá verið þekkt sem Alda Coco.
Fyrir tæplega áratug fékk Alda símtöl og skilaboð frá fólki sem hafði áhyggjur að hún væri að selja sig á Einkamál.is. Ástæðan var auglýsing á síðunni undir nafni Öldu og með myndum af henni. Auk þess voru mjög persónulegar upplýsingar þarna inni, eins og rétt hæð og þyngd.
Þetta var ekki Alda á síðunni heldur hafði einhver óprúttinn aðili búið til gerviaðgang. „Ég var bara inn á Einkamál.is. Þetta var mjög skrýtið. Ég er ekki að segja það að ég hafi lagt fram kæru en mér fannst þetta ógeðslega fyndið, því til hvers? Svo ætlaði manneskjan að fara að hitta aðilann og þetta var ekki ég?“
„Það var notað nafnið mitt og mynd af mér. Þetta var líka svo skrýtið því þetta var svo ítarlegt á þessum tíma. Hvernig vissi manneskjan hæðina mína? Og þyngdin mín var líka. Það var svo ógnvekjandi. Það var eins og manneskjan sem gerði þennan aðgang hafi þekkt mig vel,“ segir Alda.
„Sorglegt en fyndið á sama tíma. En ég tek mig ekki svo alvarlega, ég er ekki að fara að grenja þó einhver búi til feik prófíl á Einkamál.“
Alda ræðir þetta nánar í spilaranum hér að ofan. Brotið er hluti af nýjasta þætti af Fókus, horfðu á hann í heild sinni hér. Þú getur einnig hlustað á hann á Spotify og öllum helstu hlaðvarpsveitum.
Fylgstu með Öldu Coco á Instagram.
