Arsenal er sagt mjög nálægt því að ganga frá kaupum á Martin Zubimendi miðjumanni Real Sociedad. AS á Spáni heldur þessu fram.

AS segir að Arsenal sé í virku samtali við Sociedad um að. kaupa Zubimendi næsta sumar.

Þá er búist við að Thomas Partey yfirgefi Arsenal og telur Mikel Arteta að Zubimendi passi vel inn í leikstíl sinn.

Zubimendi er í spænskum miðlum kallaður næsti Sergio Busquets sem líklega er besti varnarsinnaði miðjumaður í sögu Spánar.

Zubimendi er fæddur árið 1999 en hann hefur leikið fjóra landsleiki fyrir Spán. Hann hefur alla tíð spilað fyrir Sociedad.