Alkóhól er ekkert annað en eyðileggjandi efni fyrir heilann. Þetta segir sérfræðingur einn sem leggur til að fólk hætti algjörlega að neyta áfengis þegar það nær ákveðnum aldri.

Margir byrja nýja árið með því að hætta að drekka áfengi, að minnsta kosti um hríð. Ástæðan er kannski að áfengisneyslan var óvenjulega mikil í jólamánuðinum, nú eða þá ósk um að taka upp hollari lífshætti.

Að minnsta kosti er það ekki slæmt fyrir líkamann og heilann að sleppa áfengisneyslu í heilan mánuð.

En miðað við það sem Richard Restak, taugalæknir og prófessor, segir í bókinni „Svona kemur þú í veg fyrir elliglöp“ þá eykur áfengisneysla líkurnar á að fólk þrói með sér elliglöp, sérstaklega ef það drekkur bjór. Dagbladet skýrir frá þessu.

Bjór, sem oft er talin félagslegt smurningsmeðal, er ekkert annað en eitur fyrir taugarnar segir Restak. Þar á hann við að taugaeitur sé efni sem veldur skaða á, eyðileggur eða dregur úr virkni taugakerfisins.

Í samtali við The Guardian sagðist hann hvetja fólk til að hætta áfengisneyslu algjörlega þegar það nær 65 ára aldri. Þá séu færri taugafrumur í heilanum en á yngri árum og það sé ekkert vit að stefna þeim í hættu.