Sky News skýrir frá þessu og segir að lögreglan hafi fundið lík Mike Carroll árið 2022 í kjölfar þess að tengdasonur hans, Kirk Ritter, hringdi til að tilkynna um andlát hans.
Rannsókn lögreglunnar leiddi í ljós að Mike hafði látist sex árum áður, 81 árs að aldri. Þetta var hægt að sjá með skoðun á hjartsláttartæki hans.
Lögreglan rannsakaði þetta sem morð í upphafi en að lokum komst dánardómsstjóri að þeirri niðurstöðu að Mike hefði látist af eðlilegum orsökum.
Saksóknarar telja að Kirk og Lynn, sem eru bæði 61 árs, hafi svikið um 215.000 dollara (það svarar til um 30 milljóna íslenskra króna) út, eftir andlát Mike, með því að taka ellilífeyri hans út af bankareikningi hans og nota peningana. Á sama tíma geymdu þau líkið heima hjá sér og þornaði það upp og varð eins og „múmía“.
Staðarmiðlar segja að hjónin hafi verið fjárhagslega háð Mike, hafi búið með honum og séð um hann. Þetta hafa þeir eftir ættingjum þeirra sem segja einnig að hjónin hafi alltaf verið með afsakanir á reiðum höndum um af hverjum Mike svaraði ekki í síma eða fengi gesti. Sögðust ættingjarnir því hafa talið að hann væri á lífi.
Mál þeirra verður þingfest í byrjun janúar.
