Færeyska sjarmatröllið og söngvarinn Jógvan Hansen segir farir sínar ekki sléttar.
„Hvaða hrun af “ fake-profile “ requests er í gangi á Facebook ? Ég er búinn að fá 20 vinabeiðni í dag frá svakalega flottum dömum sem eiga enga vini,“ spurði Jógvan í færslu á Facebook í gær.
Vinir og vinkonur Jógvans tjá sig í athugasemdum og segjast bæði konur og karlar vera í sama vanda. Svindlararnir virðast þó frekar herka á karlmenn og eru blaðamenn DV af karlkyni þar ekki undanskildir!
Svo virðist sem svindlararnir séu sífellt að þróast og nöfn þeirra eru kjarnyrt íslensk nöfn. Rétt er að hafa allan varann á áður en maður samþykkir einhvern sem maður þekkir ekki til utan Facebook, prófílar með einni mynd og engum vinum ættu til dæmis að hringja minnst einni viðvörunarbjöllu.
Síðusta sumar lenti Jógvan einnig í vanda á Facebook og Instagram þegar hakkarar tóku yfir síðurnar og beitti söngvarann fjárkúgun. Jógvan sagði það ekki koma til greina og stofnaði nýja síðu á Instagram.
Sjá einnig: Jógvan beittur fjárkúgun – „Á meðan þessu stóð hringdu þeir stanslaust í mig og áreittu“
Mikilvægt er að hafa varann á þegar kemur að skilaboðum og samskiptum í gegnum netið hvort sem það er í gegnum samfélagsmiðla eða tölvupóst. Mikilvægt er að ýta EKKI á hlekki eða setja inn greiðsluupplýsingar án þess að vera búinn að ganga úr skugga að tengiliðurinn sem er að senda á ykkur sé frá sjálfu fyrirtækinu. Ef einhver vafi er á því er um að gera að hafa beint samband við fyrirtækið sem á við og spyrjast fyrir.
Góðar leiðbeiningar um hvernig má varast netsvik er að finna í bæklingi sem Neytendasamtökin gáfu út, hann má lesa hér.
