Katrín Middleton hertogaynja af Wales var lögð inn á sjúkrahús í gær vegna „fyrirhugaðrar kviðarholsaðgerðar,“ eins og segir í tilkynningu frá Kensingtonhöll. Aðgerðin á London Clinic heppnaðist vel en Katrín mun dvelja í tíu til 14 daga á sjúkrahúsinu til að ná bata og mun ekki snúa aftur til opinberra starfa fyrr en eftir páska.
Katrín, sem er 42 ára, mun síðan snúa aftur heim til Windsor í Berkshire til að halda bataferlinu áfram með stuðningi fjölskyldu sinnar. Kemur fram í frétt DailyMail að ekki mun hafa verið um krabbamein að ræða. Líklegt er að læknar muni ráðleggja Katrínu að jafna sig í tvo til þrjá mánuði og endurkoma hennar til opinberra starfa mun ráðast af læknisráði þegar nær dregur þeim tíma.
Ekki er búist við að Kate snúi aftur á opinbera viðburði fyrr en eftir páska og eiginmaður hennar Vilhjálmur Bretaprins mun nú deila tíma sínum milli opinbera skyldna hans og tíma með fjölskyldunni. Í tilkynningunni kemur fram að Vilhjálmur muni fresta einhverjum skyldustörfum sinum, meðan hann styður fjölskyldu sína, og mun hann ekki taka að sér nein opinber störf á meðan eiginkona hans er á sjúkrahúsi, né fyrst eftir að hún snýr heim.
Hjónin munu ekki ferðast erlendis næstu mánuði, en frekari upplýsingar um bataferli Katrínar verða veittar þegar við á.
Talsmaður hallarinnar sagði klukkan 14:00 í dag: „Hin konunglega hátign prinsessan af Wales var lögð inn á London Clinic í gær vegna fyrirhugaðrar kviðarholsaðgerðar. Aðgerðin heppnaðist vel og búist er við að hún verði á sjúkrahúsi í tíu til fjórtán daga áður en hún snýr aftur heim til að halda áfram bataferli. Miðað við núverandi læknisráð er ólíklegt að hún snúi aftur til opinberra starfa fyrr en eftir páska.
Prinsessan af Wales kann að meta þann áhuga sem þessi yfirlýsing mun vekja. Hún vonar að almenningur skilji vilja hennar til að viðhalda eins eðlilegu ástandi fyrir börnin sín og mögulegt er og ósk hennar um að persónulegar læknisupplýsingar hennar verði áfram persónulegar. Kensington-höll mun því aðeins veita upplýsingar um bataferli hennar konunglegu hátignar þegar það eru mikilvægar nýjar upplýsingar til að deila.
Prinsessan af Wales vill biðja alla hlutaðeigandi afsökunar á því að hún þarf að fresta væntanlegum skyldustörfum sínum. Hún hlakkar til að finna nýjan tíma fyrir þau eins fljótt og hægt er.“
