Þegar eldsumbrotin hófust í morgun, kl.7.57 blasti við að hraunflæðið byrjaði að renna í átt að vinnuvélum á svæðinu sem að notaðar höfðu verið til að vinna að varnargörðum við bæinn.

Snör handtök urðu hins vegar til þess að vinnuvélunum var bjargað undan hrauninu og hér að neðan má sjá rosalegt myndband þar sem sjá má viðbragðsaðila hlaupa til og bjarga vélunum með hraunstrauminn óhugnalega nærri.

Það er fólk að hlaupa í átt að eldgosinu? pic.twitter.com/Wiep1hvZej

— Birkir (@birkirh) January 14, 2024

Blessunarlega tókst að bjarga öllum tækjunum, enda bestu og stærstu vinnuvélar landsins, og þeirra bíður mikilvægt hlutverk því hafist hefur verið handa við að loka skarði í varnarveggnum við Grindavík sem að liggur yfir Grindavíkurveg. Varnarveggurinn heldur aftur af meginhluta straumsins enn sem komið er og virðist virka vel þó að ljóst sé að ef að hraungosið stendur lengi yfir þá má hann síns lítið.

Önnur sprung kom hins vegar upp innan varnargarðanna en rennslið er mun minna í þeirri sprungu.