Jadon Sancho mun endast lengur sem leikmaður Manchester United en Erik ten Hag sem þjálfari liðsins að sögn Chris Sutton, sparkspekings og fyrrum leikmanns.

Sancho er mættur aftur til Þýskaland og var lánaður til Borussia Dortmund en hans samband við Ten Hag er alls ekki gott í dag.

Ten Hag ku sjálfur vera valtur í sessi eftir erfitt gengi undanfarið en Sancho kostaði enska liðið risaupphæð fyrir síðasta tímabil.

Sancho gagnrýndi Ten Hag opinberlega fyrr á þessu tímabili og síðan þá hefur leikmaðurinn ekkert fengið að spila.

Ten Hag vill meina að Sancho leggi sig lítið sem ekkert fram fyrir félagið og ákvað að setja leikmanninn á ís sem varð til þess að hann sneri aftur til Dortmund.

,,Ég hef fulla trú á að Sancho muni endast lengur hjá Manchester United en Erik ten Hag,“ sagði Sutton.

,,Þetta er hæfileikaríkur ungur leikmaður sem af einhverjum ástæðum telur sig vera stærri en klúbburinn.“

,,Það sem hann lét út úr sér á samskiptamiðlum var fáránlegt og sorglegt. Mig grunar að hann endi aftur hjá Man Utd og ef Ten Hag heldur áfram uppteknum hætti verður hann farinn fyrir lok tímabils.“