Svona hefst bréf karlmanns til kynlífs- og sambandsráðgjafa The Sun, Deidre.
Hann útskýrir blætið sitt. „Mig dauðlangar að fara í nektarglímu með henni,“ segir hann.
„Kærasta mín er 24 ára og mjög sæt. Ég hef aðeins sagt örfáum fyrrverandi kærustum frá nektarglímublætinu mínu, en síðasta fyrrverandi kærasti þverneitaði að prófa það.
Þegar ég reyndi að fá hana til að prófa þetta með mér hætti hún með mér á staðnum og sagði að ég væri furðufugl.
Ég er nokkuð viss um að þetta blæti sé tilkomið því ég fór oft í gamnislag með frændsystkinum mínum í sundfötum og búningum þegar við vorum krakkar.
Þó ég hafi verið svona ungur þá vissi ég samt að ég ætti að fela hversu spenntur ég væri.“
Þetta er samt ekki það eina sem kveikir í honum. Það er mikið „turn on“ fyrir hann að heyra um kynlífssögu kærustu sinnar.
„Ég hugsa um hana með fyrrverandi kærasta sínum þegar ég er einn og þegar við erum að stunda kynlíf. Ég ímynda mér hana undir stinnum líkama hans,“ segir hann og bætir við að hann sé sífellt að spyrja hana út í kynferðislega sögu hennar, en viðurkennir að nokkrar af fyrrverandi kærustum hans fengu nóg af spurningaflóði hans.
„Við eigum öll fortíð, þú getur ekki breytt því. Þitt blæti er ekkert öðruvísi en annað blæti.
En ef þú ert líkamlega sterkari en makinn þinn og þú heldur henni fast niðri, þá gæti henni liðið eins og það sé verið að brjóta á henni. Þannig það er mikilvægt að þið ræðið um mörk áður en lengra er haldið. Og öryggisorð sem þið getið notað ef hlutirnir ganga of langt.
Það er hugsanlega betra fyrir sambandið ykkar að finna eitthvað sem þið bæði munuð njóta.“
