Vilhjálmur Bjarnason, fyrrverandi alþingismaður og lektor í fjármálum, fer hörðum orðum um rafmyntir í aðsendri grein í Morgunblaðinu í dag. Rafmyntir séu ekki alvöru verðmæti og öll starfsemi tengd afmyntaviðskiptum hafi einkenni pýramídsvindls. Hann sakar RÚV um að ýtta undir féflettingu með kynningu sinni á þessum viðskiptum.

„Það kem­ur fyr­ir að Rík­is­út­varpið, sem hef­ur ýms­ar skyld­ur sem al­manna­út­varp, ræði um og birti fregn­ir af efni líkt og um al­vöru sé að ræða. Nokkr­um sinn­um hef­ur full­trúi Mynt­kaupa komið til viðtals um raf­mynt sem um al­vöru verðmæti sé að ræða. Raf­mynt hef­ur öll ein­kenni glópagulls og öll starf­semi tengd raf­myntaviðskipt­um hef­ur ein­kenni pýra­mýda­s­vindls. Þeir, sem koma fyrst­ir inn í leik­ara­skap­inn, fara út með verðmæti þeirra sem koma síðast­ir inn. Þetta heit­ir féflett­ing. Og al­manna­út­varp á ekki að taka þátt í kynn­ingu á þess hátt­ar féflett­ingu, án þess að vara við starf­sem­inni. Rétt eins og RÚV sé aug­lýs­ing­port án end­ur­gjalds.“

Vilhjálmur gagnrýnir jafnframt Seðlabankann fyrir að vara ekki nægilega mikið við rafmyntum, hins vegar hafi Landsvirkjun áttað sig á því að rafmyntagröftur sé sviksamlegur og segist ekki selja orku til slíkrar starfsemi.

Í greininni fer Vilhjálmur yfir nokkrar tegundir peningalegra eigna. Að hans mati stendur rafmynt höllum fæti gagnvart eignum á borð við reiðufé og gull, svo dæmi séu tekin. Hann bendir á að peningalegar eignir séu forsenda lífeyris eldri borgara. Vilhjálmur segir:

„Vissu­lega eru flest­ar pen­inga­leg­ar eign­ir skráðar með ra­f­ræn­um hætti, en það er vitað um skuld­ara sam­kvæmt skil­mál­um hinna ra­f­rænu eigna. Einnig er vitað hvert er hið und­ir­liggj­andi hluta­fé­lag sem á í hlut og einnig hver er starf­semi þess, ef eig­andi hef­ur áhuga á að vita það. Raf­mynt er ekki þess­um kost­um búin.“

Hann segir ennfremur:

„Pen­inga­leg­ar eign­ir breyt­ast frá ári til árs og eru eitt í sigri, annað í ósigri, því tak­markið með þeim er meira virði en bar­átt­an.“