ASA, sem hefur eftirlit með auglýsingum í Bretlandi, hefur bannað eina tiltekna auglýsingu tískufyrirtækisins Calvin Klein sem sýnir tónlistarkonuna FKA Twigs fáklædda.

Tvær kvartanir bárust til stofnunarinnar vegna auglýsingarinnar sem þótti hafa of kynferðislega skírskotun. Tók ASA undir það í áliti sínu. Má auglýsingin því ekki birtast í Bretlandi í óbreyttri mynd.

„Auglýsingin notaðist við nekt og einblíndi á líkama FKA Twigs í staðinn fyrir fötin,“ sagði í álitinu.

Fleiri kvartanir bárust til ASA vegna auglýsingar Calvin Klein með fyrirsætunni Kendall Jenner. ASA tók ekki undir þær kvartanir og mega þeir birtast áfram í óbreyttri mynd.

Calvin Klein sagðist í yfirlýsingunni vera ósammála áliti ASA og sagði að myndin af FKA Twigs sýndi einfaldlega sterka konu með sterk skilaboð.