Húseigendur á heimili í San Diego í Kaliforníu fundu líkamsleifar konu í frystiskáp á heimili sínu í desember. Í yfirlýsingu frá lögreglunni í San Diego síðastliðinn fimmtudag kemur fram að kennsl hafi verið borin á konuna sem Margaret Haxby-Jones.
Hafði hennar verið saknað eða hún talin látin í tæpan áratug, en Haxby-Jones var 81 árs þegar síðast spurðist til hennar. Rannsóknarlögreglumenn telja að hún gæti hafa búið á heimilinu í Allied Gardens hverfinu þar sem lík hennar fannst. Dánarorsök Haxby-Jones hefur ekki verið staðfest, en í yfirlýsingu lögreglunnar segir að „engin augljós merki séu um áverka á líkamanum.“
Núverandi íbúar hússins, sem fundu líkamsleifar Haxby-Jones rétt fyrir hádegi þann 22. desember, tengjast henni ekki með neinum hætti samkvæmt NBC News.
