Í tilkynningu á Facebook-síðu Lögreglunnar á Suðurnesjum kemur fram að hún sé nú við störf á Grindavíkurvegi ásamt öðrum viðbragðsaðilum vegna alvarlegs umferðarslyss. Tilkynning hafi borist Neyðarlínunni kl. 11:35 um alvarlegt slys við árekstur tveggja ökutækja. Hafi viðbragðsaðilar farið strax á vettvang og sé Grindavíkurvegur lokaður fyrir umferð en lögregla og rannsóknarnefnd samgönguslysa séu við störf á vettvangi. Ekki sé unnt að veita frekari upplýsingar um slysið að svo stöddu.
