Keisha er breskur áhrifavaldur sem vakið hefur athygli á TikTok þar sem hún er með hátt í 30 þúsund fylgjendur.
Þar deilir hún líkamsræktarmyndböndum með fylgjendum sínum og deilir kærasti hennar sama áhugamáli og hún. Sú staðreynd að 42 ára aldursmunur er á parinu hefur þó vakið athygli.
Dimitrios er 60 ára en þau byrjuðu saman vorið 2022 eftir að hafa kynnst í ræktinni. Hafa þau verið saman í um eitt og hálft ár og sjaldan verið hamingjusamari en einmitt nú.
Keisha deilir reglulega myndböndum af sér og kærastanum saman í ræktinni og er óhætt að segja að fjölmargir hafi sterka skoðun á sambandi þeirra, ef marka má athugasemdir við myndböndin.
Hefur Keisha verið sökuð um að vera „gullgrafari“ og hún sé aðeins með Dimitrios vegna þess að hann á peninga. Aðrir segja það siðferðislega rangt að vera í sambandi þar sem aldursmunurinn er svona mikill. Enn aðrir hafa kallað eftir því að Dimitrios eigi heima í fangelsi.
Parið hefur svarað gagnrýnisröddum fullum hálsi og sagt að einhvers konar afbrýðisemi liggi að baki.
„Það sem við erum að gera er ekki ólöglegt. Ef það væri það væri lögregla löngu komin í málið.“
Þó að sumir gagnrýni parið hafa margir hvatt þau áfram.
„Það eru 19 ár á milli mín og míns maka og við erum búin að vera saman í 11 ár. Þetta hafa verið bestu 11 ár ævi minnar.“
