Nú er janúarglugginn opin og ensku stórliðin, sem og önnur, skoða hvað gera skal.
Oftar en ekki þarf að losa leikmenn til að fá inn nýja. Breska götublaðið The Sun tók saman sex manna lista yfir þá sem gætu farið frá Arsenal í þessum mánuði.
Cedric Soares
Verið í aukahluverki lengi og var á láni hjá Fulham seinni hluta síðustu leiktíðar. Samningur hans rennur út í sumar en Arteta hefur talað um hvað leikmaðurinn er góður fyrir klefann. Fær þó líklega ekki nýjan samning. Það er áhugi á Cedric frá Tyrklandi.
Eddie Nketiah
Hefur ekki sýnt að hann geti verið framherji liðs sem ætlar að vinna ensku úrvalsdeildina. Crystal Palace er talið hafa áhuga á honum.
Emile Smith-Rowe
Spiltími hans hefur minnkað all hressilega undanfarin tvö tímabil en kappinn hefur einnig glímt við meiðsli. Það kom mörgum á óvart að hann hafi ekki komið við sögu gegn Fulham á Gamlársdag þegar Arsenal var að spila hræðilega. Dagar hans hjá Arsenal gætu senn verið taldir og er hann orðaður við Newcastle.
Aaron Ramsdale
Missti sæti sitt í markinu skyndilega í byrjun tímabils þegar David Raya kom. Gæti því verið á förum og er orðaður við Chelsea og Newcastle.
Jakub Kiwior
Þarf að hafa virkilega fyrir spiltíma í sterku liði Arsenal en það gæti þó reynst áhættusamt að losa hann upp á breiddina.
Reiss Nelson
Hefur reynst Mikel Arteta ansi góður þjónn á tíma Spánverjans við stjórnvölinn þrátt fyrir að eiga aldrei reglulegt byrjunarliðssæti. Skrifaði undir fjögurra ára samning í sumar og verður því ekki ódýr. Hefur til að mynda verið orðaður við Wolves.
