Hollywood-leikarinn og meðeigandi Wrexham, Rob McElhenney, birti færslu á Instagram í gær með fjölda mynda frá árinu sem leið. Fólki var brugðið við fyrstu mynd hans.
Þar er andlit McElhenney afmyndað og skrifaði hann meðal annars: „Burt séð frá ofnæmisviðbrögðum við hnetunum var 2023 eitt besta ár lífs míns.“
Fólk átti erfitt með að trúa að þetta væri raunverulegt.
Það var eðlilegt því þetta var gervi fyrir hlutverk McElhenney í þáttunum It’s Always Sunny in Philadelphia.
„Ég vil þakka fólkinu sem gerði þetta að frábæru ári. Líf mitt er fullt af hamingju út af ykkur. Ég er svo spenntur fyrir 2024 og held mig frá hnetunum,“ skrifaði McElhenney einnig í færslunni, sem má sjá hér neðar.
Sem fyrr segir er McElhenney eigandi Wrexham ásamt Ryan Reynolds. Liðið spilar í ensku D-deildinni eftir að hafa komið upp úr Utandeildinni í vor og er það í harðri baráttu um að komast upp á ný á þessari leiktíð.
View this post on Instagram
