Áramótaþáttur Íþróttavikunnar var af dýrari gerðinni þetta árið. Kristján Óli Sigurðsson og Hörður Snævar Jónsson mættu sem gestir í þáttinn sem Helgi Fannar Sigurðsson og Hrafnkell Freyr Ágústsson hafa stýrt í vetur.

Í þættinum voru veitt hin ýmsu verðlaun og þá var farið yfir allt það helsta úr íþróttalífinu hér á landi sem og erlendis á árinu 2023.

Farið var yfir árið í enska boltanum og þá sérstaklega seinni hluta síðustu leiktíðar. Þar var Arsenal í bílstjórasætinu lengi vel en Manchester City vann að lokum þriðja árið í röð.

„Þeir gerðu það sem allir héldu. Þeir voru skemmtilegir og góðir enn menn höfðu ekki trú á því að þeir myndu klára þetta. Svo meiðist Saliba og það hrynur allt hjá þeim. Þeir eru búnir að styrkja sig og ég held þeir séu aðeins líklegri í ár,“ sagði Hrafnkell um Arsenal.

„En enska deildin er bara orðin Bundesligan. City vinnur þetta ár eftir ár. En manni er alveg sama, það er enginn sem heldur með þeim nema Gulli Gull og Siggi Helga.“

Kristján var sammála þessu.

„Ég er að gæla við að Pep fái nóg og einbeiti sér að golfinu því hann er allt of góður stjóri fyrir þessa deild.“

Umræðan í heild er í spilaranum.