fbpx
Fimmtudagur 10.apríl 2025
Fréttir

Einar: „Það er engin spurning að fólk mun finna fyrir þessu“

Einar Þór Sigurðsson
Þriðjudaginn 19. desember 2023 09:00

Ekki missa af Helstu tíðindum dagsins í pósthólfið þitt

Lesa nánar

Einar Sveinbjörnsson, veðurfræðingur hjá Blika.is, segir það miklu máli skipta hver vindáttin er þegar kemur að mengun frá eldgosinu sem hófst við Sundhnúkagígaröðina í gærkvöldi.

Viðbúið er að töluverð mengun fylgi eldgosinu enda hraunrennsli mun meira en var til dæmis í síðasta gosi við Litla-Hrút. Einar ræddi þetta í Morgunútvarpinu á Rás 2 í morgun.

„Eins og staðan er núna þá er vestanátt og vestanáttin ber gufurnar til austurs. Og það er þá helst yfir Krýsuvík og þær slóðir og svo áfram nærri Þorlákshöfn, Eyrarbakka og Stokkseyri. Síðan er vindurinn með morgninum að verða meira norðvestanstæður og það er hagstæðara því þá fer mökkurinn bara yfir óbyggðir á Reykjanesi og síðan út á sjó. Þá þurfum við ekki að hafa áhyggjur af einu né neinu hvað það varðar,“ sagði Einar.

Einar segir að í nótt og í fyrramálið verði vindurinn meira suðvestanstæður og þá geti mengun farið að berast inn á Reykjanesið, í áttina að Vogum og jafnvel að höfuðborgarsvæðinu.

Aðspurður hvort magnið af gasi sé það mikið að íbúar í nágrenni gossins fari að finna fljótt fyrir menguninni sagði Einar: „Það kom fram í gær að menn litu svo á að ef hraunrennslið væri 100-200 rúmmetrar á sekúndu þá er þetta margfalt magn. Gasið er bara í réttu hlutfalli við kvikuna sem er að koma upp. Það er engin spurning að fólk mun finna fyrir þessu.“

Einar segir að á morgun komi skil upp að landinu með rigningu. Það sem gerist er að brennisteinsdíoxíð hvarfast í brennisteinssýru ef það er vatn til staðar í lofthjúpnum í einhverjum mæli. „Það er kannski það sem menn ættu að óttast á morgun.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Elín Metta komin heim
Fréttir
Fyrir 11 klukkutímum

Tveimur samningsbrotamálum gegn Íslandi vísað til EFTA-dómstólsins

Tveimur samningsbrotamálum gegn Íslandi vísað til EFTA-dómstólsins
Fréttir
Fyrir 12 klukkutímum

Arna Magnea birtir hatursfull skilaboð frá þekktum einstaklingum

Arna Magnea birtir hatursfull skilaboð frá þekktum einstaklingum
Fréttir
Í gær

Bláskógabyggð sögð skaðabótaskyld

Bláskógabyggð sögð skaðabótaskyld
Fréttir
Í gær

Kristinn svarar pistli blaðamanns: „Ég var að biðja þessar ungu konur að færa fórn“

Kristinn svarar pistli blaðamanns: „Ég var að biðja þessar ungu konur að færa fórn“
Fréttir
Í gær

Umdeildur fyrirlesari á leið til Íslands – „Einn versti zíonistinn á netinu“

Umdeildur fyrirlesari á leið til Íslands – „Einn versti zíonistinn á netinu“
Fréttir
Í gær

Skítafýla skekur Skagamenn – „Það er eiginlega ekki hægt að lýsa því hvað þetta er ógeðsleg lykt“

Skítafýla skekur Skagamenn – „Það er eiginlega ekki hægt að lýsa því hvað þetta er ógeðsleg lykt“