Þeir Valdimar Þór Ingimundarson, markvörðurinn Pálmi Rafn Arinbjarnarson og Jón Guðni Fjólusson skrifuðu allir undir í Víkinni í dag. Valdimar kemur frá Sogndal í Noregi og Jón Guðni Hammarby í Svíþjóð, en Pálmi kemur frá Wolves þar sem hann lék með varaliðinu.
„Við vorum búnir að negla hvaða leikmenn við vildum fá og þetta voru allt menn sem voru númer eitt á þeim lista. Þetta er búinn að vera svolítill aðdragandi en um leið og boltinn fór að rúlla gekk þetta hratt fyrir sig,“ segir Kári við 433.is.
Með því að fá inn þessa leikmenn eykst breiddin hjá Víkingum mikið. Vonast menn til að það hjálpi liðinu í Evrópukeppni á næsta ári.
„Það er okkar metnaður að komast eins langt og við getum þar og það er ákveðið keppikefli fyrir íslensk félög fjárhagslega að ná árangri þar.“
Arna Gunnlaugsson hefur verið sterklega orðaðir frá Víkingi og við Norrköping í Svíþjóð undanfarið en Kári segir ekkert nýtt að frétta í þeim efnum.
„Það er í raun ekkert nýtt. Þetta er búið að vera rosalega langt ferli og ég skil ekki alveg hvað tekur svona langan tíma hjá þeim. Þeir fengu leyfi til að tala við hann en síðan hefur ekkert heyrst né spurst.
Við erum búnir að reyna að tryggja ákveðna samfellu hér í Víkinni þannig það á sem minnst að breytast þegar Arnar fer. Ég segi þegar því hann er það heitur að hann mun örugglega fara á endanum. Við verðum að sjá til þess að liðið veikist ekki við það.“
Sölvi Geir Ottesen er aðstoðarþjálfari Víkings. Er hann líklegastur til að taka við ef Arnar fer?
„Hann er náttúrulega langlíklegasti kandídatinn í það,“ segir Kári.
Viðtalið í heild er í spilaranum.
