Ragnhildur, eða Ragga nagli eins og hún er oftast kölluð, er búsett í Danmörku og virk á Facebook þar sem hún tjáir sig gjarnan um heilsutengd málefni.
Ragnhildur segir að sænska krónan sé vannærð og horuð í samanburði við dönsku frænku sína og því fáist talsvert mikið meira þar fyrir aurinn.
„Sjoppurnar Svíamegin eru eins og kapítalískur ammerískur súpermarkaður í samanburði kommunístískan Danann með sitt þrönga vöruúrval. Leiðin lá að sjálfsögðu í uppáhalds búðina ICA Maxi sem selur allt frá rúðuþurrkum upp í kavíar,“ segir Ragnhildur og birtir svo lista yfir það sem rataði í körfuna:
2.5 kg hreindýrafillet
1 kg kjúklingabringur
2 x Sukrin Gold
1x Sukrin
kippa af sódavatni
1 l Möndlumjólk vanillu
Electrolytes Freyðitöflur
C-vítamín freyðitöflur
Sætar kartöflur x 2
5 stk Portobello sveppir
Hummus venjulegur
Hummus sólþurrkaður
Baba Ganoush eggaldinmauk
Hamborgarasósa
Rafhlöður AA 4 stk
French’s Sinnep 400 ml
Skánskt sinnepskrukka
Laktósafrí Tzatziki ídýfa
Villibráðakraftur
10 x pokar Extra tyggjó
Espresso kaffihylki
Shiitake sveppir
2x kúrbítur
Teriyaki sósa
Sykurlaus sweet chili sósa
Maískökur með súkkulaði
Maískökur hreinar
Jólastjarna í glugga
Ljós í jólastjörnu
Ostabakki úr tré
Vanilludropar
2x pokar xanthan gum þykkingarefni
1 kg fata hnetusmjör
Fyrir þetta greiddi Ragga 4.029 sænskar krónur, sem gera 2.682 krónur danskar og 55 þúsund íslenskar krónur. „Fimm stútfullir pokar af allskonar gúrmetisgleði fyrir matarperrann, og jólasteikin bíður spennt í frystinum eftir familíudinner á aðfangadag,“ segir hún.
Færsla Röggu hefur vakið talsverða athygli og hafa margir lagt orð í belg við hana. Einn bendir á að Ica Maxi sé ekki lágvöruverðsverslun í Svíþjóð og það sé hægt að versla ódýrari matvörur fyrir jólin. Þá bendir einn á að sænskt hreindýrafillet kosti frá 10 þúsund og upp í 13 þúsund hér á landi. Bara það geri hátt í 25 þúsund krónur fyrir 2,5 kíló.
Ragga segir það geta verið hagkvæmt að skella sér til Svíþjóðar og gera innkaupin þar.
„Það er talsvert mikið ódýrara að versla í matinn í Danmörku en á Íslandi, en síðan enn ódýrara bæði í Svíþjóð og Þýskalandi. Svo við rennum oft yfir landamærin og söfnum í sarpinn,“ segir hún.
