Bolli fer um víðan völl í þættinum og ræðir meðal annars um starf foreldra sinna en bæði eru prestar. Faðir hans er Séra Bjarni Karlsson og móðir hans er Séra Jóna Hrönn Bolladóttir.
Aðspurður hvernig hafi verið að alast upp á slíku heimili segir Bolli:
„Ég hef engan samanburð en ég held að það sé nokkuð frábrugðið því þetta er mjög sérstök vinna. Það var ekkert endilega verið að spila Bubba eða setja spólu í tækið, það var verið að tala um lífið og dauðann. Stundum var farið yfir líkræður vikunnar og ég sem ungur maður fékk að heyra það og heyra lífshlaup fólks. Ég fékk mjög ungur að heyra alls konar. Þau unnu mikið, það var mikið að gera hjá þeim. Það var helgað sig því að vera bara í þjónustu við fólk og gefa rosalega mikinn tíma og af sér, þannig þau unnu rosa mikið þegar ég var barn. Óhefðbundið, hefðbundið, ég veit ekki, en þetta var mjög gott heimili.“
Bolli segir nánar frá þessu í spilaranum hér að ofan en brotið er hluti af nýjasta þætti Fókuss, sem má horfa á í heild sinni hér.
