Manchester United ætlar ekki að nýta sér ákvæði í samningi Anthony Martial og framlengja hann um eitt ár. The Athletic greinir frá þessu.
Samningur hins 28 ára gamla Martial rennur út eftir leiktíðina en kappinn skrifaði undir fimm ára samning við United 2019 með möguleika á árs framlengingu.
Verður sá möguleiki hins vegar ekki nýttur af hálfu United og fer leikmaðurinn því frítt næsta sumar, nema hann verði seldur í janúar.
Martial var keyptur til United 2015 og varð um leið dýrasti táningur sögunnar. Kostaði hann 36 milljónir punda og kom frá Monaco en kaupverðið gat hækkað í 58 milljónir punda.
Það er óhætt að segja að Martial hafi ekki staðið undir væntingunum á tíma sínum hjá United og stuðningsmenn verða líklega margir hverjir glaðir að sjá hann fara.
🚨 EXCL: Manchester United do not intend to activate option to extend Anthony Martial contract. Current deal expires 2024 (+ 1yr). Barring change of plan 28yo will exit #MUFC as free agent next summer unless suitable offers arrive in January @TheAthleticFC https://t.co/IsSRcMeCIP
— David Ornstein (@David_Ornstein) December 11, 2023
