Það má segja að Luton sé að koma mörgum á óvart með spilamennsku sinni gegn Manchester City í dag.
Luton fékk það erfiða verkefni að taka á móti Englandsmeisturunum en búið er að flauta til hálfleiks.
Margir bjuggust við þægilegum sigri gestanna en staðan eftir fyrstu 45 mínúturnar er 1-0 fyrir heimamönnum.
Elijah Adebayo sá um að skora markið fyrir Luton þegar örstutt var eftir af fyrri hálfleiknum.
Heimamenn hafa ekki verið betri aðilinn í leiknum og hafa aðeins átt tvær skottilraunir gegn 10 frá gestunum.