Manchester United er búið að spyrjast fyrir um framherjann Sehrou Guirassy sem leikur með Stuttgart í Þýskalandi.
Frá þessu greinir blaðamaðurinn Florien Plettenberg en Guirassy hefur vakið verulega athygli á þessu tímabili.
United er ekki eina stórliðið sem horfir til Guirassy sem gæti verið fáanlegur fyrir aðeins 20 milljónir evra.
Framherjinn hefur skorað 16 deildarmörk á tímabilinu fyrir Stuttgart sem er tveimur mörkum minna en Harry Kane sem er á toppnum.
United hefur áhyggjur af stöðu mála í fremstu víglínu en Rasmus Hojlund hefur enn ekki skorað deildarmark eftir að hafa komioð í sumar.