Framtíð bakvarðarins Alphonso Davies ku vera í hættu en það er þýski miðillinn Bild sem fjallar um málið.
Davies hefur lengi verið mikilvægur í bakverðinum hjá Bayern en hann er landsliðsmaður Kanada.
Samningur Davies rennur út 2025 en hann vill fá gríðarlega launahækkun ef hann á að framlengja samning sinn.
Davies hefur verið orðaður við Manchester United undanfarna mánuði en hann vill fá þrjár milljónir evra aukalega fyrir hvert einasta ár hjá Bayern.
Davies er orðinn 23 ára gamall og hefur spilað 19 leiki fyrir Bayern í öllum keppnum á tímabilinu.
Man Utd ku vera að fylgjast grant með gangi mála leikmannsins en óljóst er hvort hann nái samkomulagi við sitt núverandi félag.
