Manchester United vann ansi mikilvægan sigur á Chelsea í gærkvöldi, 2-1. Einkaþjálfarinn, fjölmiðlamaðurinn og rithöfundurinn Egill „Gillz“ Einarsson var líklega með þeim sáttari eftir leikinn.
Scott McTominay skoraði bæði mörk United í leiknum en sigurinn létti án efa aðeins af pressunni á Erik ten Hag, stjóra liðsins.
Egill er mikill stuðningsmaður United og var á vellinum í gær. Setti hann 2500 evrur undir á sigur liðsins í þokkabót og fékk til baka 7250 evrur.
Gróðinn nam því um 715 þúsund íslenskum krónum.
Egill sýndi frá þessu á samfélagsmiðlum.