Daninn Thomas Frank, knattspyrnustjóri enska úrvaldsdeildarliðsins Brentford, er mjög hrifinn af íslenska fatnaðinum frá 66°Norður.
Frank var enn og aftur klæddur í 66°Norður fatnað á hliðarlínunni í ensku úrvalsdeildinni. Það er greinilega farið að kólna í Bretlandi en um helgina var hann klæddur í Drangajökull parka þegar hann stýrði liði sínu í 3-1 sigrinum gegn Luton.
Sjá hér myndir á Instagram síðu Brentford þar sem hann er klæddur Drangajökul úlpunni frá 66°Norður.
Hann hefur einnig verið klæddur í Dyngju vesti og Öxi jakkann frá íslenska fataframleiðandanum í leikjum Brentford í ensku úrvalsdeildinni á árinu. Thomas Frank hefur náð frábærum árangri með Lundúnarliðið Brendford í ensku úrvalsdeildinni síðustu þrjú keppnistímabil en liðið hefur staðið sig mjög vel í deildinni.
