fbpx
Föstudagur 04.apríl 2025
Fréttir

Edda Björk á leiðinni til Noregs

Ritstjórn DV
Föstudaginn 1. desember 2023 18:04

Edda Björk Arnardóttir

Ekki missa af Helstu tíðindum dagsins í pósthólfið þitt

Lesa nánar

Edda Björk Arnardóttir hefur verið framseld til Noregs. Í fréttum RÚV kemur fram að í skriflegu svari ríkislögreglustjóra, við fyrirspurn RÚV, komi fram að Edda hafi verið flutt úr fangelsinu á Hólmsheiði til Keflavíkurflugvallar í morgun. Áður en að því kom hafi hún fengið að pakka eigum sínum, en síðan verið flutt á flugvöllinn þar sem norskir lögreglumenn hafi tekið á móti henni og farið með hana til Noregs.

Eins og fjölmiðlar hafa greint frá hefur Edda deilt um forræði yfir sonum sínum við barnsföður sinn og fyrrverandi eiginmann sem búsettur er í Noregi. Föðurnum var dæmt forræðið fyrir norskum dómstólum og íslenskir dómstólar hafa staðfest þá niðurstöðu. Farið var fram á framsal Eddu til Noregs að sögn til að tryggja að hún myndi mæta fyrir rétt þar sem málinu verður framhaldið. Edda mótmælti beiðninni og sagðist myndu mæta fyrir dóm í Noregi og framsal væri óþarft. Íslenskir dómstólar hafa staðfest framsal hennar.

Til stóð að flytja hana frá Hólmsheiði í gær en hætt var við það í kjölfar þess að hópur fólks safnaðist saman á veginum að fangelsinu.

Edda var síðan flutt úr fangelsinu í morgun. Lögmaður hennar heldur því fram að lögreglan hafi bannað fangavörðum að hafa samband við hann.

Guðrún Hafsteinsdóttir, dómsmálaráðherra, segist engar heimildir hafa til að beita sér í málinu þar sem dómstólar hafi staðfest niðurstöðu ríkissaksóknara um að verða við framsalsbeiðni Norðmanna. Þessar stofnanir séu sjálfstæðar í störfum sínum samkvæmt íslenskum lögum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Leggjast gegn dýrafrumvarpi Ingu Sæland – Ofnæmisvakar geti borist á milli íbúða

Leggjast gegn dýrafrumvarpi Ingu Sæland – Ofnæmisvakar geti borist á milli íbúða
Fréttir
Fyrir 14 klukkutímum

Heiðar um tolla Trumps – „Þetta er afskaplega skammsýnt“

Heiðar um tolla Trumps – „Þetta er afskaplega skammsýnt“
Fréttir
Í gær

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða

Margrét segir að sér gefist kostur á að afgreiða meiðyrðamál Barböru gegn sér með afsökunarbeiðni og spyr FB-vini sína ráða
Fréttir
Í gær

Reykjavík þarf að borga konu sem rekin var úr starfi eina milljón króna í bætur

Reykjavík þarf að borga konu sem rekin var úr starfi eina milljón króna í bætur
Fréttir
Í gær

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“

Leigubílaharkari kúgaði fé út úr fjölskyldu – „Daginn eftir var bankað upp á hjá honum og þar voru tveir menn að rukka“
Fréttir
Í gær

Mótmæla frumvarpi um rekstur líkhúsa – Sé ekkert annað en skattlagning á dánarbú

Mótmæla frumvarpi um rekstur líkhúsa – Sé ekkert annað en skattlagning á dánarbú