Bandaríska leikkonan og fyrrum heimaleikfimidrottningin Jane Fonda, sem orðin er 85 ára, olli töluverðu fjaðrafoki á samfélagsmiðlum, eftir að hún sagðist aðeins myndu deita karlmenn sem væru tvítugir. 

Fyrr á árinu gaf Fonda út að hún væri hætt að drekka. „Jafnvel þó ég fái mér bara einn drykk, þá hefur hann áhrif á mig daginn eftir. Ég á kannski ekki svo „marga daginn eftir„ eftir þannig að ég nenni ekki að vera bara í hálfu fjöri þá daga.“

Samkvæmt nýjustu fregnum virðist Fonda líka hætt öðru, að deita „eldri“ menn eða það er að segja jafnaldra sína eða svona þá sem eru nálægt henni í aldri. Í viðtali við grínistann Heather McMahan í hlaðvarpi hennar Absolutely Not, sagði Fonda að ef hún myndi einhvern tímann sér elskhuga aftur þá þyrftu þeir að vera töluvert yngri en hún.

Í bút sem birtur var á TikTok á miðvikudag segir Fonda: „Ég skammast mín fyrir að segja þetta, en ef ég ætti að taka elskhuga þá þyrfti hann að vera tvítugur. Þegar McMahan spyr hana frekar út í svarið segir Fonda: „Vegna þess að mér líkar ekki við eldri húð.“

@dearmedia Keep it fresh, keep it tight for @Jane Fonda #oldskin #youngerman #janefonda #janefondatok #relationshipadvice #absolutelynot #podcastclips ♬ original sound – Dear Media

McMahan skellihlær, meðan Fonda horfir alvarlega á hana. Ummæli Fonda vöktu svo sannarlega athygli og netverjar höfðu sitt að segja: 

„Ef karlmaður hefði sagt þetta..“

„Hvað með ef 20 ára karlmanninum líkar ekki eldri húð?“

„Ég elska Jane Fonda, en veit hún að karlmenn á þrítugs- og fertugsaldri eru ekki með „gamla“ húð? Það gerist ekki fyrr en seinna. Alveg eins og hjá konum.“

Einhverjir sáu húmorinn í orðum Fonda.

„Fólk skilur íekki hvað brandari er! Hún er fyndin.“