Ef vel er að gáð sést maður í brúnum jakkafötum og virðist sem hann haldi á farsíma á sama tíma og aðrir á myndinni virðast njóta sólarinnar. Ef rétt reynist að maðurinn hafi verið farsíma á þessum tíma, þá teljast það stórtíðindi því þeir höfðu ekki verið fundnir upp. Það gerðist ekki fyrr en nokkrum áratugum síðar.
Það var Stuart Humphrys sem birti myndina á X þar sem hann bað fólk um að hjálpa sér að bera kennsl á ströndina en hann hafði ekki veitt manninum með „farsíma“ athygli. En ekki leið á löngu þar til fólk fór að benda á að maður með farsíma væri á myndinni.
„Hérna . . . er það bara ég eða er maðurinn að kíkja á símann sinn . . . á fimmta áratugnum?“ skrifaði einn og Dr Kevin Purcell svaraði: „Vel séð. Þetta er augljóslega tímaferðalangur að skoða farsímann sinn. Loksins sönnunin sem við þurfum um að tímaferðalög séu staðreynd. Núna sjáum við hluti á gömlum ljósmyndum sem við höfðum ekki tekið eftir áður en núna vitum við að þetta eru símar því við erum með þá.“