Þessi sveppur hefur lengi verið þekktur í suðvesturhluta Bandaríkjanna en nú fer smitum fjölgandi og og tilfelli hafa greinst upp með vesturströndinni.
The Washington Post segir að á síðustu tveimur áratugum hafi tilfellum Valley-hita fjórfaldast og bara í Kaliforníu hefur aukningin numið 800% að sögn bandarísku smitsjúkdómastofnunarinnar CDC.
Samkvæmt því sem kemur fram í umfjöllun The Washington Post þá telja vísindamenn og sérfræðingar að ástæðuna fyrir aukningu smita megi rekja til loftslagsbreytinganna. Ástæðan er að gró sveppsins þrífast í þurri jörð og berast með rykskýjum. Þar koma miklir þurrkar í Kaliforníu til sögunnar því þeir bera gróin með sér.
Vísindamenn telja að stórir hlutar af vestanverðum Bandaríkjunum geti orðið fyrir barðinu á sveppnum í framtíðinni.
Heilbrigðisyfirvöld telja að um 500.000 manns smitist af honum árlega en aðeins 20.000 séu tilkynnt en reiknað er með að þessi tala muni hækka í framtíðinni.
Flest smitin eru í Kaliforníu og Arizona.
Til að smitast verður fólk að anda sveppnum að sér, þá setjast gró á lungnavefinn. Gróin geta síðan dreift fleiri gróum og jafnvel borist til fleiri staða í líkamanum, húðarinnar, beina liða eða líffæra. Það er í þessum tilfellum sem smitið verður stórt vandamál því þetta getur leitt til krónískra sjúkdóma.
Í umfjöllun The Washington Post kemur fram að í mörgum tilfellum hafa veikindi fólks verið svo alvarleg að það sé lamað á eftir. Flestir sjúklinganna fá sveppadrepandi lyf og jafna sig á nokkrum vikum.
TV2 segir að þessa sveppategund sé ekki að finna í Evrópu.