Bandaríska söngkonan Ashlee Simpson naut mikilla vinsælda fyrsta áratug eftir aldamót. Hún skaust upp á stjörnuhimininn árið 2004 þegar hún gaf út lagið „Pieces of Me“ en var fyrir það ágætlega þekkt sem systir söng- og leikkonunnar Jessicu Simpson.
Seinna sama ár gaf hún út fyrstu plötuna sína og kom einnig fram í raunveruleikaþáttum systur sinnar og þáverandi eiginmanns hennar, Newlyweds: Nick and Jessica.
Ashlee gaf út tvær plötur til viðbótar, I Am Me í október 2005 og Bittersweet World í apríl 2008. Seinni platan náði ekki sama árangri og fyrri og eftir það dró Ashlee sig úr sviðsljósinu og lét lítið fyrir sér fara í áratug. Hún sneri til baka árið 2018 og gerði samning við sjónvarpsstöðina E! Hún og eiginmaður hennar, Evan Ross, voru stjörnur eigin raunveruleikaþátta, Ashlee + Evan, en það komu aðeins út sex þættir.
Hjónin eiga saman tvö börn, fyrir á Ashlee son með fyrrverandi eiginmanni sínum, söngvaranum Pete Wentz.
Undanfarin ár hefur orðið ótrúleg breyting á söngkonunni eins og sjá má hér að neðan.
View this post on Instagram
View this post on Instagram
View this post on Instagram