Fyrir rúmlega ári síðan sátu mæðgurnar saman fyrir undirfataherferð ítalska merkisins Intimissimi.
Sjá einnig: Heidi Klum lokar fyrir athugasemdir – Undirfatamyndataka mæðgnanna harðlega gagnrýnd
Myndirnar voru umtalaðar og umdeildar, sumir sögðu þær vera „furðulegar“ og „óviðeigandi“ en mæðgurnar sögðust ánægðar með herferðina og ekki hlusta á gagnrýnendur.
Klum-dömurnar sitja nú fyrir í nýrri jólaherferð Intimissimi. Þær birtu báðar nokkrar myndir frá myndatökunni á Instagram en á meðan Heidi lokaði fyrir athugasemdir gerði dóttir hennar það ekki.
Eins og síðast voru viðbrögð netverja misjöfn, sumir voru ánægðir að sjá mæðgurnar aftur saman á meðan öðrum þótti þetta einkennilegt.
Í fyrra ræddi Leni við Page Six og sagði að hún kippti sér ekki upp við gagnrýnina. „Ef ég á að vera alveg hreinskilin þá skoðaði ég ekki mikið af viðbrögðunum [sem herferðin fékk],“ sagði hún.
„Ég er ánægð með herferðina og átti frábæran dag með mömmu minni. Mér þótti myndirnar koma vel út og við skemmtum okkur konunglega.“
