„Við höfum aldrei séð neitt þessu líkt,“ skrifaði skurðlæknirinn Jose Antonio Salvada á samfélagsmiðilinn X um sjúkling sem hann og fleiri læknar tóku á móti á sjúkrahúsi í El Salvador.

Sjúklingurinn er 32 ára karlmaður sem var að bursta tennurnar af svo miklum krafti að tannburstinn brotnaði skyndilega í tvennt. Áður en hann vissi af rann efri hluti tannburstans niður í hálsinn á honum og festist í vélindanu.

Salvado sagði að maðurinn hafi strax farið á bráðamóttöku og var hann strax sendur í röntgenmyndatöku. Myndirnar sýndu að efri hluti tannburstans sat fastur í vélindanu.

Skurðlæknar fjarlægðu tannburstann samstundis að sögn Salvado með því að draga hann upp í gegnum vélinda og út um munninn.

Á myndum, sem hafa verið birtar af þessu, sést að haus tannburstans var heill þegar hann kom út úr manninum.

Manninum heilsast vel og virðist ekki hafa beðið varanlegt tjón af þessu óhappi.