Konan skýrði frá þessu í færslu á samfélagsmiðlinum Reddit. Þar sagði hún að þau hafi verið búin að vera saman í tvö ár þegar þau ákváðu að taka stórt skref og byrja að búa saman. En fimm mánuðum eftir að hún komst að leyndarmálinu flutti hún út og sleit sambandinu.
Þau rifust um hversu oft ætti að þvo rúmfötin og þegar unnustinn sagði henni að hann þvoi þau aðeins tvisvar á ári. „Ég get ekki verið ein um að finnast þetta viðbjóðslegt? Á tveggja mánaða fresti er strax slæmt. Aðeins tvisvar á ári er bara viðbjóðslegt,“ skrifaði hún á Reddit.
Hún sagði að unnustinn hefði játað að hann „frískaði upp á“ rúmfötin með því að spreyja Febreeze á þau og að hann sæi bara ekkert athugavert við þetta. „Engin furða að ég fékk alltaf útbrot eftir að hafa sofið heima hjá honum,“ skrifaði hún síðan.
Hún benti einnig á að þau búi þar sem loftslagið sé frekar heitt og að þau „hafi stundað kynlíf næstum daglega“ áður en hann drap kynlöngunina hjá henni. Af þeim sökum hafi svo sannarlega þurft að þvo sængurverin.
Hún sagði að þetta eitt og sér hafi ekki verið nóg til að gera út af við sambandið en dropinn sem fyllti mælinn hafi verið að hann hafi ekki viljað breyta þessu. „Það þarf ekki að þvo þau vikulega. Þú ert bara að búa til meiri vinnu fyrir mig . . . ef þú vilt að eitthvað sé gert á ákveðinn hátt, þá verður þú að gera það,“ skrifaði hann til hennar í smáskilaboðum.