OnlyFans stjarnan Aline Farias er áberandi í brasilískum fjölmiðlum þessa stundina en hún segir stjórstjörnuna Neymar hafa beðið sig um nektarmyndir.

Farias hefur birt skjáskot máli sínu til stuðnings en málið er víða í erlendum miðlum.

„Eru einhverjar nektarmyndir,“ spurði Neymar hana og benti hún honum á OnlyFans reikning sinn.

„Hvar? Mig langar til þess að sjá þær,“ spurði Neymar og sendi Farias honum hlekk og skrifaði: „En þú þarft að segja mér hvað þér finnst svo.“

Neymar sendi henni síðar eldmerki (e. flame emoji) og líkaði því greinilega það sem hann sá.

Neymar og kærasta hans Bruna Biancardi eru nýbúin að eignast barn saman en þetta er þó í annað skiptið á stuttum tíma sem hann kemst í fréttir fyrir samskipti við aðra konu en hann var með 22 ára gömlu leikkonunni Nathalia Morais í teyti sem hann hélt á dögunum.

Hinn 35 ára gamli Neymar er á mála hjá Al Hilal í Sádi-Arabíu en hann spilar ekkert næstu mánuðina þar sem hann er með slitið krossband.