Ísdrottningin og leikkonan Ásdís Rán Gunnarsdóttir fagnar fimm mánaða sambandsafmæli hennar og Þórðar Daníels Þórðarsonar með því að birta fallega færslu á samfélagsmiðlum.
„Ég var svo heppin að detta í fangið á þessum draumaprins fyrir 5 mánuðum. Hann gerir lífið og tilveruna svo miklu betra! Ég sem hélt ég gæti ekki orðið ástfangin. En það var víst ekki rétt þar sem honum tókst einhvern vegin að bræða mitt ískalda hjarta. Hlakka til að eyða fleiri mánuðum, árum og ævintýrum með þér elskan mín,“ skrifaði hún.
Þórður Daníel er eigandi Icestore.bg, verslun í Búlgaríu sem selur nikotínpúða.
Ásdís Rán hefur gegnt mörgum hlutverkum í gegnum tíðina; glamúrfyrirsæta, einkaþjálfari, þyrluflugmaður, umboðsmaður, rithöfundur og fatahönnuður svo fátt sé nefnt.
Fókus óskar athafnaparinu innilega til hamingju með ástina.