Ástæðan er breytt útlit stjörnurnar á ýmsum viðburðum síðastliðna mánuði. Í september mætti hún á Dior tískusýningu í París og voru margir handvissir um að hún hafi látið eitthvað krukka í andlitinu. Útlit hennar var einnig til umræðu í síðustu viku eftir að hún mætti á hátíðarviðburð Saks Fifth Avenue í New York.
Leikkonan blæs á kjaftasögurnar og segir að það sé snyrtivörum að þakka að hún líti svona út. Hún tók viðtal við raunveruleikastjörnuna Kylie Jenner fyrir Interview Magazine á dögunum og ræddi um orðróminn.
Lawrence sagði að hún hafi byrjað að vinna með förðunarfræðingnum Hung Vanngo fyrir stuttu og að hann hafi kennt henni ýmislegt.
„Það er ótrúlegt hvað förðunarvörur geta gert því ég vinn með Hung, sem stækkar varirnar með varalitablýanti og ég kalla hann lýtalækni, því síðan ég byrjaði að vinna með honum fyrir nokkrum mánuðum hef ég fengið að heyra að fólk sé handvisst um að ég hafi gengist undir fegrunaraðgerð á augum. En ég gerði það ekki, þetta er bara farði.“
Kylie Jenner sagði að hún hafi séð myndirnar en að henni þyki leikkonan líta stórkostlega út og alls ekki eins og að hún hafi gengist undir fegrunaraðgerðir.
Lawrence sagði einnig að henni þætti ósanngjarnt að gagnrýnendur væru sífellt að bera útlit hennar núna saman við gamlar myndir af henni.
„Ég byrjaði að leika þegar ég var nítján ára og ég sé að fólk er að bera saman myndir af mér núna, þegar ég er 33 ára, við myndir af mér síðan ég var nítján ára. En ég hef þroskast og andlitið hefur breyst því ég hef elst.“
