Tíu starfsmönnum í það minnsta hefur verið sagt upp hjá fyrirtækinu Controlant. Vísir greinir frá þessu.
Samkvæmt miðlinum hafa tveir starfsmenn fyrirtækisins staðfest þetta. Að starfsmenn hafi verið boðaðir á fund, hver af öðrum og þeim sagt upp. Ástæðan er ókunn.
Controlant er hátæknifyrirtæki sem hefur farið með himinskautum undanfarin ár. Fyrirtækið sinnti meðal annars geymslu og dreifingu á covid-bóluefnum fyrir Pfizer í heimsfaraldrinum.
Fyrirtækið, sem stofnað var árið 2007, hefur haft tekjur upp á nokkra milljarða á undanförnum árum og veltan tvöfaldast á einu ári.
Í lok árs 2022 störfuðu 430 manns hjá fyrirtækinu, á starfsstöðvum á Íslandi, Bandaríkjunum, Hollandi, Danmörku og Póllandi.
DV hefur ekki fengið svör við fyrirspurnum sínum um uppsagnirnar eða ástæður þeirra.