fbpx
Þriðjudagur 16.júlí 2024
Fréttir

Ísland á meðal ríkja sem skrifuðu undir yfirlýsingu vegna Holodomor – Rússar noti enn þá mat sem vopn

Kristinn H. Guðnason
Mánudaginn 27. nóvember 2023 16:30

Minnisvarði um Holodomor í Kænugarði. Mynd/Getty

Ekki missa af Helstu tíðindum dagsins í pósthólfið þitt

Lesa nánar

Á fimmtudag skrifuðu 55 ríki undir yfirlýsingu á vettvangi Sameinuðu þjóðanna til að minnast að 90 ár eru liðin frá manngerðu hungursneyðinni Holodomor í Úkraínu. En hún var framin í valdatíð Jósefs Stalíns leiðtoga Sovétríkjanna.

Flest ríkin sem skrifuðu undir yfirlýsinguna eru Evrópuríki og Evrópusambandið gerði það einnig. Einnig Bandaríkin, Kanada, Japan, Suður Kórea, Ástralía og fleiri ríki.

Talið er að í Holodmor hafi á bilinu 3 til 8 milljónir Úkraínumanna dáið. Til að stöðva andóf í Úkraínu tók Stalín matvælaframleiðslu, einkum kornframleiðslu, í síauknum mæli af Úkraínumönnum með skelfilegum afleiðingum. Þöggun ríkti um hungursneyðina þangað til Sovétríkin voru við það að liðast í sundur.

Rússar noti enn þá sömu aðferðir

„Við viljum nota þetta plagg til þess að Holodomor verði áminning fyrir núverandi og komandi kynslóðir um að virða mannréttindi til að koma í veg fyrir að þetta endurtaki sig,“ sagði Sergiy Kyslytsya, fastafulltrúi Úkraínu hjá Sameinuðu þjóðunum.

Rof á matvælaframleiðslu og dreifingu ógnar matvælaöryggi heimsins, sérstaklega fyrir viðkvæmustu hópana. Í dag sé Úkraína að berjast við sama aðila og skipulagði mannskæða hungursneyð fyrir 90 árum.

„Stalín gerði matvæli upptæk og svelti fólk til dauða, Pútín hefur gert allsherjar innrás,“ sagði Kyslytsya og minntist á að Pútín hefði beint spjótum sínum að kornútflutningi á Svartahafi, sem hafi ekki aðeins áhrif á Úkraínu heldur mörg önnur lönd sem reiða sig á úkraínskt korn.

Munurinn á ástandinu núna og fyrir 90 árum sé hins vegar að stærstur hluti heimsins styðji Úkraínu í sinni baráttu.

Yfirlýsing í átta liðum

Yfirlýsingin var í átta liðum. Meðal annars að undirrituð ríki viðurkenni að hungursneyðin var manngerð, fordæmi miskunarlausar aðgerðir stjórnar Stalíns, minnist fórnarlambanna og styðji rannsóknir á harmleiknum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Fjárfestar hafa sölsað undir sig tæplega 90% seldra íbúða á árinu – „Þetta er ógeðslegt þjóðfélag, þetta er allt ógeðslegt“

Fjárfestar hafa sölsað undir sig tæplega 90% seldra íbúða á árinu – „Þetta er ógeðslegt þjóðfélag, þetta er allt ógeðslegt“
Fréttir
Fyrir 23 klukkutímum

Pawel sakar stjórnvöld um aumingjaskap – „Hvernig væri að kalla stjórnendur þessa miðils í skýrslutöku“

Pawel sakar stjórnvöld um aumingjaskap – „Hvernig væri að kalla stjórnendur þessa miðils í skýrslutöku“
Fréttir
Í gær

Líkfundur á Tenerife í tengslum við leitina að Jay Slater

Líkfundur á Tenerife í tengslum við leitina að Jay Slater
Fréttir
Í gær

Dómur kveðinn upp yfir Kourani – Hefur brotið af sér og ofsótt fólk árum saman

Dómur kveðinn upp yfir Kourani – Hefur brotið af sér og ofsótt fólk árum saman
Fréttir
Fyrir 3 dögum

Guðrún ætlar ekki að flytja inn í Biskupsgarð – Agnes flytur út og glæsihýsið verður selt

Guðrún ætlar ekki að flytja inn í Biskupsgarð – Agnes flytur út og glæsihýsið verður selt
Fréttir
Fyrir 3 dögum

Drama í ófullgerðu fjöleignarhúsi – Ósátt við nýju veggina og neituðu að færa bílana

Drama í ófullgerðu fjöleignarhúsi – Ósátt við nýju veggina og neituðu að færa bílana