Fjölmörg hús í Grindavík eru illa farin eftir jarðhræringar síðustu vikna sem enn sér ekki fyrir endann á. Myndband húseiganda í bænum sem er að skoða skemmdirnar í húsi sínu hefur vakið talsverða athygli á samfélagsmiðlinum Tiktok en þar má sjá að fasteignin er nánast gjörónýt enda ná eiginlega sprungurnar í gegnum allt húsið.

Húseigandinn er auðheyrilega í öngum sínum yfir umfangi skemmdana en á einu skemmtilegu augnabliki hellist smá jákvæðni yfir hann þegar viðkomandi stynur: „Það er allavegana sól úti“.

Ekki liggur fyrir um hvaða húseign er að ræða né hver tók upp myndbandið en það má sjá hér fyrir neðan:

@atlaz20 #Grindavík #foryoupage ♬ original sound – Atlaz20 🇵🇸