Hópur erlendra ferðamanna lenti í vandræðum í Reynisfjöru á miðvikudag. Stóðu þeir nálægt flæðarmálinu þegar stór alda kom og velti þeim um koll.
Atvikið náðist á myndband og var deilt á TikTok. Það var notandinn Kelsey Starlight sem deildi myndbandinu sem hefur farið eins og eldur í sinu um netið.
„Þetta er það sem gerist þegar þú ert fífldjarfur ferðamaður og hlustar ekki á reglurnar,“ sagði notandinn í færslu með myndbandinu. Hefur myndbandið fengið 3,7 milljón áhorf.
Í myndbandinu sjást fjórir ferðamenn ganga að flæðarmálinu, tveir þeirra með síma og tveir baðandi út höndunum eins og til að ögra sjálfum Neptúnusi fyrir myndatöku. Stór alda skellur svo á þeim með miklum hraða og krafti og veltir tveimur þeirra um koll.
@kelseystarlight This is what happens when you’re a cocky tourist and don’t listen the rules 😂 whyyyy are people like this?! Black Sand Beach is Icelands Most Dangerous Beaches (and one of the most dangerous beaches in the world) due to “sneaker waves” that look calm and small, but are in fact so powerful, they drag people out to the ocean and people have died here. The number 1 rule at this beach is: “Never turn your back on the waves” and to not go where you can’t see orher footprints. Some people will do anything for a video/photo. 💀 #iceland #blacksandbeach #blacksandbeachiceland #blacksand #reynisfjara #reynisfjarablacksandbeach #blackbeach #icelandbucketlist #thingstodoiniceland #icelandtravel #icelandadventure #icelandvolcanoeruption #icelandblacksandbeach #icelandtravel ♬ original sound – Kelsey
Svo kemur sogið og einn ferðamaðurinn átti augljóslega í nokkrum vandræðum en annar kom honum til bjargar. Virðist sem ferðamönnunum hafi ekki orðið meint af þessu.
Þessir ferðamenn voru heppnari en margir aðrir hafa verið á undanförnum árum. Banaslys varð í júlí síðastliðnum í Reynisfjöru þegar alda hreif erlendan ferðamann á áttræðisaldri með sér.
Á sjö ára tímabili, árin 2015 til 2022, urðu samanlagt fimm banaslys í fjörunni. Sjö önnur alvarleg slys hafa orðið á þessum stað. Viðvaranir hafa lítið virkað til að stoppa eða minnka áhættuhegðun fólks á þessum vinsæla ferðamannastað.
