Óhætt er að segja að hin breska Louise hafi gert slæm mistök þegar hún tók mynd af þvottavélinni sinni til að birta á Internetinu. Hún skrifaði umsögn um þvottavélina og birti myndina með og voru netverjar auðvitað fljótir að taka eftir mistökum hennar.

Louise skrifaði mjög jákvæða umsögn um þvottavélina en myndin afhjúpaði væntanlega meira en hún hafði í hyggju.

Eins og sjá má á myndinni þá sést spegilmynd Louise í hurðinni á þvottavélinni og það leynir sér ekki að hún er aðeins í bleikum nærbuxum.

„Ég elska nýju þvottavélina mína. Hún er falleg og er með stórar dyr og spilar fallegt lag þegar þvottinum er lokið. Ég elska það,“ skrifaði hún á heimasíðu „Currys“ raftækjaverslunarinnar.

Daily Mail segir að myndin hafi farið á mikið flug á samfélagsmiðlum og hafi fólk skemmt sér mjög á kostnað Louise.