Það er athyglisvert að skoða greinar í frönskum miðlum þessa dagana þar sem fjallað er um varnarmanninn Raphael Varane.
Varane var lengi talinn einn besti varnarmaður heims en hann gerði garðinn frægan með Real Madrid.
Varane er franskur landsliðsmaður en hann vann fjóra Meistaradeildartitla og þrjá deildarmeistaratitla með Real.
Hlutirnir eru hins vegar ekki að ganga upp hjá Varane á Englandi en hann samdi við Manchester Untied árið 2021.
Franskir miðlar vekja verulega athygli á því að Varane sé nú orðinn varamaður fyrir Jonny Evans sem kom óvænt til Manchester í sumar.
Varane er enn aðeins þrítugur en sæti hans á EM með franska landsliðinu ku vera í nokkuð mikilli hættu.
Evans er 35 ára gamall og er landsliðsmaður Norður-Írlands en hann lék með Leicester City í fimm ár áður en hann samdi aftur við Man Utd í sumar.
Evans og Harry Maguire virðast vera aðal miðvarparpar Man Utd þessa dagana og er framtíð Varane hjá félaginu í hættu.
