Roberto De Zerbi, stjóri Brighton, þolir ekki enska dómara og hvernig þeir notast við myndbandstæknina VAR.

VAR hefur verið harðlegas gagnrýnt á þessu tímabili en enskir dómarar virðast vera í miklum vandræðum með að finna út hvað sé rétt og hvað sé rangt.

De Zerbi sá sína menn gera 1-1 jafntefli við Sheffield United um helgina en lið hans missti mann af í seinni hálfleik.

,,Ég er alltaf hreinskilinn og opinn þegar ég tjái mig. Ég þoli ekki 80 prósent af enskum dómurum,“ sagði De Zerbi.

,,Ég er ekki hrifinn af þeirra framkomu á vellinum. England er eina landið þar sem VAR áttar sig sjaldan á hvort um rétta ákvörðun sé að ræða eða ekki.“

,,Í hinum löndunum þurfa menn að vera 100 prósent vissir um að ákvörðunin sé rétt. Ég skil ekki hvernig þetta virkar hér.“