Íþróttavikan heldur áfram að rúlla á 433 og í Sjónvarpi Símans. Helgi Fannar Sigurðsson og Hrafnkell Freyr Ágústsson hafa umsjón með þættinum og gestur þeirra að þessu sinni var Eggert Aron Guðmundsson, leikmaður Stjörnunnar.

Á miðju tímabili Bestu deildarinnar í ár var Ágúst Gylfason látinn fara og Jökull Elísabetarson, aðstoðarmaður hans, tók við.

„Það var eins og það byrjaði allt að klikka. Tempóið á æfingum fór upp á næsta stig. Við töluðum um að ef við ætluðum að gera þetta í leikjum yrðum við að vera betri á æfingum,“ sagði Eggert um innkomu Jökuls.

„Mér fannst allir fara upp á tærnar. Það eru leikmenn hjá okkur sem gætu spilað annars staðar og eru ekki einu sinni í hóp hjá okkur.

Hann er mjög góður að ná til hópsins. Hann leyfir öðrum að tala og hann hlustar, sem er mikilvægt. Trúin og sjálfstraustið var eitthvað sem kom og ég held við höfum sýnt það eftir að hann tók við,“ sagði Eggert en Stjarnan tók vel við sér eftir að Jökull tók við og endaði tímabilið frábærlega.

Umræðan í heild er í spilaranum.