Jessica hefur verið mjög opin með edrú vegferð sína. Hún skrifaði meðal annars um það í endurminningum sínum, Open Book, sem kom út árið 2020. Hún sagðist hafa verið að „drepa mig á drykkju og pilluáti.“
Í bókinni sagðist hún hafa náð botninum eftir hrekkjavökupartí heima hjá sér árið 2017, þann 1. nóvember, sama dag og umrædd mynd var tekin.
Árið 2021 birti hún einlæga Instagram-færslu á fjögurra ára edrúafmælinu.
Hún sagði að manneskjan á myndinni væri óþekkjanleg útgáfa af henni og rifjaði upp augnablikið þegar hún áttaði sig á því að hún þyrfti að hætta að drekka.
„Drykkjan var ekki vandamálið. Ég var það. Ég elskaði ekki mig sjálfa. Ég bar ekki virðingu fyrir eigin krafti. En ég geri það í dag […] Ég er hrottalega hreinskilin og þægilega opin. Ég er frjáls,“ sagði hún.
